Դրամաշնորհային հնարավորություն

Նորաստեղծ կանանց կազմակերպությունները կարևոր դեր են խաղում գենդերային հավասարության առաջխաղացման, ներառական մասնակցության և տեղական ժողովրդավարական հաշվետվողականության ապահովման գործում։ Սակայն զարգացող ՔՀԿ-ները հաճախ չունեն հասանելիություն ճկուն, ինստիտուցիոնալ ֆինանսավորմանը, որն անհրաժեշտ է կայուն կառուցվածքներ և ներքին համակարգեր ձևավորելու համար։

Այս բացը լրացնելու նպատակով ԿՌԿ-ն մեկնարկում է փոքր ինստիտուցիոնալ աջակցության դրամաշնորհային ծրագիր՝ ուղղված նոր գրանցված, կանանց կողմից ղեկավարվող և գենդերային հավասարության վրա կենտրոնացած ՔՀԿ-ներին։

Դիմորդները պետք է՝

• Լինեն կանանց կողմից ղեկավարվող ՔՀԿ, գրանցված Հայաստանում վերջին 1–3 տարիների ընթացքում

• Գործեն գենդերային հավասարության, կանանց իրավունքների կամ ինտերսեկցիոնալ արդարության ոլորտում

• Ցուցաբերեն հանձնառություն մարդու իրավունքների և հաշվետվողականության սկզբունքներին

Ինստիտուցիոնալ աջակցությունը կարող է ներառել՝

• Ներքին կառավարման և ֆինանսական կառավարման ընթացակարգերի մշակում

• Պաշտպանության, հակակոռուպցիոն և անվտանգության քաղաքականությունների ներդրում

• Ռազմավարական կամ գործառնական պլանավորման գործընթացներ

• Հիմնական ենթակառուցվածքային և գործառնական ծախսեր

• Կարողությունների զարգացում ֆինանսական հաշվետվության, շահերի պաշտպանության կամ թվային անվտանգության ոլորտներում

• Իրավական և վարչական աջակցություն

• Անձնակազմի բարեկեցության և կոլեկտիվ խնամքի մեխանիզմներ

Այս կանչը միտված է ինստիտուցիոնալ կայունացմանն ու կարողությունների զարգացմանը և չի նախատեսում լայնածավալ ծրագրային գործողությունների իրականացում։

Յուրաքանչյուր հայտ պետք է ներառի ծրագրային առաջարկ (առավելագույնը 3 էջ)՝ նկարագրելով գործողությունները, նպատակները, թիրախային խմբերը, ակնկալվող արդյունքները, ժամանակացույց, կազմակերպության ընդհանուր գործունեության հակիրճ նկարագրություն և բյուջե:

Առավել մանրամասն կարող եք գտնել այստեղ։