Forbes Women კონფერენცია

ბაზრის არასტაბილურობითა და ტექნოლოგიური ცვლილებების სწრაფი ტემპით განსაზღვრულ სამყაროში, ყველაზე გამბედავი ნაბიჯი, რომლის გადადგმაც ლიდერს შეუძლია, საკუთარი თავის ერთგულებაა. Forbes Women Conference 2026 განკუთვნილია იმ ქალებისთვის, რომლებსაც აღარ სურთ გარემოს მიერ ნაკარნახევი სტანდარტებთან მორგება და მთავარ აქცენტს იმ უნიკალურ თვისებებზე აკეთებენ, რომლებიც მათ გამორჩეულს ხდის.

ღონისძიებაზე დაგხვდებათ:

• Pechakucha-ს ფორმატში წარმოდგენილი დინამიკური პრეზენტაციები გამორჩეული ქალი სპიკერებისაგან

• სიღრმისეული პანელური დისკუსია, რომელიც საკუთარ კარიერულ თუ პიროვნულ გზაზე რეფლექსიაში დაგეხმარებათ

• ორი ვორქშოპი, რომელიც აწმყოსა და მომავლის პრაქტიკულ ხედვაზეა ორიენტირებული

• ხელშესახები აღმოჩენები და თანამოაზრეებთან დაკავშირების შესაძლებლობა

• ორი სცენა:

1. PechaKucha Night Stage

PechaKucha ამბის თხრობის იაპონური ფორმატია - თითოეული პრეზენტაცია შედგება 20 სლაიდისგან და თითოეულ სლაიდზე მხოლოდ 20 წამია გამოყოფილი. შედეგად, გამოსვლები არის მოკლე, დინამიკური და ცოცხალი.

1. Forbes Women Stage

პანელური დისკუსია და თემატური სესიები, რომლებიც ლიდერობას, გამოცდილებასა და ინდივიდუალური გზის შექმნას ეძღვნება.

ღონისძიება ჩატარდება ღვინის ქარხნის უნიკალურ სივრცეში, რომელიც კულტურული მემკვიდრეობის ძეგლია.

Forbes Woman Conference 2026-ზე მონაწილეობის მისაღებად, მიყევით ბმულს: http://tkt.ge/LeadLikeYourself