Իմփաքթ ՀԱԲ

Impact Hub Yerevan-ը (Impact Hub Armenia Social Innovation Development Foundation) ոչ առևտրային կազմակերպություն է, որը գործում է Հայաստանում՝ խթանելով սոցիալական նորարարությունն ու ձեռնարկատիրությունը։ Այն հանդիսանում է համագործակցության, կրթության և համայնքային զարգացման հարթակ՝ միավորելով այն անհատներին և թիմերին, որոնք ձգտում են ստեղծել դրական հասարակական ազդեցություն։

Կազմակերպության առաքելությունն է ներշնչել, կապել և աջակցել փոփոխություններ նախաձեռնողներին՝ տրամադրելով մասնագիտական ռեսուրսներ, կրթական և ինկուբացիոն ծրագրեր, մենթորություն, ցանցավորման հնարավորություններ և համագործակցային աշխատանքային միջավայր։ Impact Hub Yerevan-ը նաև ապահովում է համատեղ աշխատանքի (coworking) տարածք, որտեղ ստեղծվում է բաց, ստեղծարար և փոխաջակցության վրա հիմնված համայնք։

Կազմակերպությունն իրականացնում է տեղական և միջազգային ծրագրեր՝ ուղղված սոցիալական ձեռնարկությունների զարգացմանը, թվային և գործարար հմտությունների ամրապնդմանը, ներդրումային պատրաստվածության բարձրացմանը և ազդեցության վրա հիմնված նախագծերի առաջխաղացմանը։

Առավել մանրամասն առկա ծրագրերի և հնարավորությունների մասին այստեղ։