Կանանց Իրավունքների Տուն Հասարակական կազմակերպությունը հիմնադրվել է 2017 թվականին Գյումրիում, կառույցը նպատակ ունի խթանել կանանց իրավունքների պաշտպանությունը, գենդերային հավասարությունը և կանանց մասնակցությունը հասարակական ու տնտեսական կյանքում։ Կազմակերպությունը տրամադրում է անվճար իրավաբանական, հոգեբանական և սոցիալական խորհրդատվություններ, աջակցում է կանանց ու նրանց երեխաներին ընտանեկան կամ սեռական բռնության դեպքերում՝ ապահովելով կացարաններ, սննդի և հիգիենայի անհրաժեշտ պարագաներ։ Կառույցը նաև ապահովում է իրավաբանական խորհրդատվություն աշխատանքի իրավունքների խախտման և տնտեսական հնարավորությունների ոլորտում։
Կանանց իրավունքների տունը ակտիվորեն աջակցում է կանանց տնտեսական հզորացմանը, մասնագիտական կրթության և ձեռնարկատիրության զարգացմանը, ինչպես նաև խթանում է կանանց քաղաքական մասնակցությունը որոշումների կայացման գործընթացներում։ Կազմակերպությունը նաև ծառայում է որպես տարածաշրջանային կենտրոն՝ ընտանեկան և սեռական բռնությունը կանխելու նպատակով՝ համագործակցելով Հայաստանի աշխատանքի և սոցիալական հարցերի նախարարության հետ։
Կառույցի ծառայությունների մասին առավել մանրամասն այստեղ։
Նմանատիպ ռեսուրսներ
