Հայ կանայք տնօրենների խորհրդում ցանցը ստեղծվել է նպաստելու լավ կառավարման մշակույթի ձևավորմանը Հայաստանում՝ կազմակերպությունների կառավարման համակարգերում բազմազանության և ներառականության խթանման միջոցով։ Ցանցը կարևորում է այն մոտեցումը, որ արդյունավետ և պատասխանատու կառավարումը հնարավոր է միայն տարբեր փորձառությունների, տեսլականների և առաջնորդական ոճերի համադրմամբ, որտեղ կանանց ներգրավվածությունը դիտարկվում է որպես կառավարման որակի բարձրացման առանցքային գործոն։
Ցանցի գործունեությունը միտված է հայ կանանց կարողությունների շարունակական զարգացմանը՝ նրանց պատրաստելով խորհուրդներում և գործադիր ղեկավար թիմերում արդյունավետ գործելու համար։ Այն աջակցում է խորհրդի և գործադիր մակարդակներում գործող կամ նման ներուժ ունեցող կանանց տեսանելիության և ճանաչելիության բարձրացմանը գործարար միջավայրում, ձևավորում է տաղանդավոր մասնագետների ընտրանք և ստեղծում փորձի փոխանակման ու գործարար կապերի հաստատման հարթակներ։ Միևնույն ժամանակ Ցանցը նպաստում է հայաստանյան և արտասահմանյան կազմակերպությունների միջև համագործակցության զարգացմանը՝ ընդլայնելով մասնակիցների ներգրավվածությունն ու ազդեցությունը թե՛ տեղական, թե՛ միջազգային մակարդակներում։
Ցանցի գործունեությանը կարող եք ծանոթանալ այս հղումով
Պատկերասրահ
Նմանատիպ ռեսուրսներ
