3000 IT სპეციალისტის გადამზადების პროგრამის ფარგლებში, საქართველოს მოქალაქეებს შესაძლებლობა მიეცათ მომზადება გაეარათ ბაზარზე არსებულ ყველაზე მოთხოვნად და მაღალანაზღაურებად პროფესიებში. პროგრამა მოიცავდა ისეთ კურსებს, როგორებიცაა: პროგრამირება, პროექტის მენეჯმენტი, Game/Mobile development, ხელოვნური ინტელექტი, დიზაინი, კიბერუსაფრთხოება, ბლოკჩეინი, ვირტუალიზაცია და სხვა. ჯამში 45 მიმართულება.
გარდა პროფესიული ტრენინგებისა, თითოეულმა მონაწილემ გაიარა დამატებითი კურსი პროდუქტის მენეჯმენტსა (Product Management) და ფრილანსერობაში (Freelancing), რათა შეეძინათ საჭირო რბილი უნარები (Soft Skills) როგორც ადგილობრივ, ასევე საერთაშორისო კომპანიებთან მუშაობის გასაგრძელებლად. კურსის წარმატებით დასრულების შემდეგ, ყველა კურსდამთავრებულმა მიიღო საერთაშორისო სასერთიფიკატო გამოცდის ვაუჩერი. ტრენინგები მიმდინარეობდა დისტანციურ რეჟიმში, ინგლისურ ენაზე და სრულად დაფინანსდა სახელმწიფოს მიერ.
ტრენინგების ჩატარებას უზრუნველყოფდა მსოფლიოში ერთ-ერთი ყველაზე მსხვილი IT ტრენინგ პროვაიდერი New Horizons, Space Cad-თან და თბილისის კომუნიკაციის სკოლასთან ერთად.
ტრენინგ პროგრამაში მონაწილეობა ამჟამად დასრულებულია, თუმცა დაინტერესებულ პირებს, შეგიძლიათ გაეცნოთ ვიდეო რესურსების კატალოგს შემდეგ ვებგვერდზე: www.ict.gov.ge
თემა
მსგავსი რესურსები
5000 დამწყები IT სპეციალისტის მომზადება
მეოთხე ნაკადის მიღება GITA-ს პროგრამაზე: 5000 დამწყები IT სპეციალისტის მომზადება გრძელდება
ექსპორტის მენეჯერთა სასერტიფიკატო კურსი
“აწარმოე საქართველოში” ექსპორტის მიმართულებით ცოდნის გაღრმავებას გთავაზობთ
ახალგაზრდული ორგანიზაციების გაძლიერება
ახალგაზრდობის სააგენტოს საგრანტო კონკურსი ახალგაზრდების განვითარებისთვის