ახალგაზრდული ორგანიზაციების გაძლიერება

ახალგაზრდობის სააგენტო აცხადებს საგრანტო კონკურსს ახალგაზრდული ორგანიზაციების გაძლიერება. კონკურსის მიზანია ახალგაზრდული ორგანიზაციების ფინანსური მხარდაჭერა იმ პროექტების განსახორციელებლად, რომლებიც ახალგაზრდული სფეროსა და ახალგაზრდების განვითარებას ემსახურება.

საგრანტო კონკურსის პრიორიტეტებია:

• ახალგაზრდებში მთელი სიცოცხლის მანძილზე სწავლის საკვანძო კომპეტენციების განვითარება

• მშვიდობის მშენებლობა, კონფლიქტების ტრანსფორმაცია, ინტერკულტურული დიალოგი, ეთნიკური უმცირესობების ინტეგრაცია

• ახალგაზრდებში სამოქალაქო პასუხისმგებლობის გაძლიერება, მოხალისეობრივი კულტურის განვითარების ხელშეწყობა, აქტიური მოქალაქეობისა და გადაწყვეტილების მიღების პროცესში მათი მონაწილეობის ხელშეწყობა

• ახალგაზრდული სერვისების ხელმისაწვდომობის გაზრდა, ახალგაზრდებში ცნობიერების ამაღლება არაფორმალური განათლების მეთოდების გამოყენებით

• ოკუპირებულ ტერიტორიებზე ან მის მიმდებარედ მცხოვრები ახალგაზრდებისთვის ახალგაზრდული სერვისების შექმნა და განხორციელება

• ახალგაზრდების ფიზიკური, მენტალური ჯანმრთელობის და კეთილდღეობის ხელშეწყობა, გარემოს დაცვა, ახალგაზრდებში ჯანსაღი ცხოვრების წესის პოპულარიზაცია

საგრანტო კონკურსში მონაწილეობის მიღება შეუძლია არასამეწარმეო (არაკომერციული) იურიდიულ პირს - ახალგაზრდულ ორგანიზაციას, რომლის საქმიანობის სფეროს წარმოადგენს ახალგაზრდების განვითარებასთან დაკავშირებული საკითხები.

კონკურსის საერთო ბიუჯეტი 1 200 000 ლარს შეადგენს. ერთი საგრანტო განაცხადის მაქსიმალური ბიუჯეტია - 100 000 ლარი.

საკონკურსო განაცხადები მიიღება 2026 წლის 5 თებერვლიდან 2026 წლის 27 თებერვლის ჩათვლით, ელექტრონულ ფოსტაზე - grants-1@youthagency.gov.ge

საგრანტო კონკურსში მონაწილეობის მისაღებად დეტალური ინფორმაცია იხილეთ ბმულზე.