სოფლად მცხოვრები ქალების ეკონომიკური გაძლიერების მიზნით, პროკრედიტ ბანკი, გაეროს ქალთა ორგანიზაციასა და ფონდ ტასოსთან ერთად ახორციელებს პროექტს - Empower Her. პროგრამის ფარგლებში განხორციელებული ტრენინგების, გრანტების და მენტორული სესიების ფარგლებში, რეგიონში მცხოვრებ ქალებს შესაძლებლობა მიეცათ საკუთარი უნარები - საგრანტო წინადადებებად და შემოსავლის წყაროდ გადაექციათ.
პროექტის ეკონომიკური გაძლიერების კომპონენტში ჩაერთო 200 ქალი, დასავლეთ საქართველოს 5 რეგიონიდან. შედეგად, 80-მა დაინტერესებულმა ქალმა გაიარა სასწავლო კურსი ბიზნეს ტრენინგი დამწყები მეწარმე ქალებისთვის, რომელიც მოიცავდა როგორც პირისპირ, ისე ონლაინ სესიებს.
კურსის გავლის შემდეგ, მონაწილეები ჩაერთნენ საგრანტო კონკურსში, სადაც 79-მა ქალმა წარადგინა საკუთარი სოფლის საჭიროებებზე მორგებული ინდივიდუალური ბიზნეს გეგმა. ამ ეტაპზე, ქალებთან საგრანტო ხელშეკრულებები უკვე გაფორმებულია, ხოლო სოფლად მიმდინარეობს ბიზნეს გეგმით გათვალისწინებული მოსამზადებელი სამუშაოები.
პროკრედიტ ბანკისა და მისი პარტნიორებისთვის, ქალთა ფინანსური გაძლიერება და ქალი მეწარმეების მხარდაჭერა ერთ-ერთი პრიორიტეტია. სწორედ ასე მიუახლოვდება ქვეყანა გენდერულ თანასწორობას.
თუ ხარ ქალი, ცხოვრობ სოფელში და გსურს, რომ თავადაც ჩაერთო პროექტის სამომავლო აქტივობებში, გაეცანი სიახლეებს პროკრედიტ ბანკის ვებ-გვერდზე.
თემა
მსგავსი რესურსები
სერვისების სექტორის მხარდაჭერა საქართველოში
საგრანტო კონკურსი სერვისის სექტორში მომუშავე მცირე და საშუალო ბიზნეს კომპანიებისთვის
მცირე და საშუალო საწარმოების მხარდაჭერა
საგრანტო კონკურსი ქართული მცირე და საშუალო საწარმოების მდგრადობის განვითარებისთვის
RDYE II
ახალგაზრდული მეწარმეობა სოფლის განვითარებისთვის. 30,000 ლარამდე დაფინანსება 18-35 წლამდე ახალგაზრდებისთვის ქვემო ქართლის, სამცხე-ჯავახეთის, აჭარისა და გურიის რეგიონებში.