«Արմենեկոպ» կանանց սոցիալական ձեռնարկությունը Հայաստանում պաշտոնապես գրանցվել է 2018 թվականից և իր գործունեությամբ նպատակ ունի աջակցել 20–30 տարեկան, փոքր երեխաներ ունեցող, գործազուրկ կանանց։ Ձեռնարկությունը նրանց հնարավորություն է տալիս մասնակցել բազմամասնագիտական դասընթացների, ձեռք բերել կարի և ձևանմուշների պատրաստման հմտություններ և ներգրավվել աշխատանքի գործընթացում։ «Արմենեկոպ»-ի առանձնահատկությունն այն է, որ կանայք կարող են դասընթացներին և աշխատանքի գալ իրենց երեխաների հետ․ այդ ընթացքում երեխաներին խնամում է սոցիալական ձեռնարկության կողմից ներգրավված դայակը՝ հատուկ ստեղծված և կահավորված խնամքի սենյակում։
«Արմենեկոոպ»-ը արտադրում է ձեռագործ էկոլոգիապես մաքուր ապրանքներ, որոնց մի մասը առաջինն է ստացել «Made in Dilijan» նշանը։ Առավել պահանջված արտադրանքներից են կտորե պայուսակները և նորարարական, ջրակայուն կտորե մատիտատուփերը, որոնք վաճառվում են ոչ միայն Հայաստանում, այլև Վրաստանում, Լիտվայում, Իտալիայում և ԱՄՆ-ում։ Ամեն տարի «Արմենեկոոպ»-ը շուրջ 20 կնոջ հնարավորություն է տալիս զարգացնել հմտությունները և գտնել իր տեղը աշխատաշուկայում՝ նպաստելով համայնքի կայուն զարգացմանը։
Հնարավորության մանրամասները կարող եք գտնել այստեղ;
Թեմա
Նմանատիպ ռեսուրսներ
