Սպիտակի Հելսինկյան Խումբ ՀԿ

«Սպիտակի Հելսինկյան խումբ» իրավապաշտպան ՀԿ-ն հիմնադրվել է 2010 թվականին՝ մարդու իրավունքների պաշտպանության, ժողովրդավարության և հանդուրժողականության արժեքների առաջխաղացման նպատակով։ Կազմակերպության առաքելությունն է Լոռու մարզի կանանց և երեխաների կյանքի որակի բարելավումը՝ իրավապաշտպանական գործունեության հզորացման միջոցով։ Տեսլականն է՝ որակյալ ծառայությունների միջոցով զորացնել կանանց՝ ձևավորելով հասարակություն, որտեղ նրանք կլինեն իրենց իրավունքներին տեղյակ և դրանց տեր կանգնող։

Կազմակերպությունն իր գործունեության ընթացքում իրականացրել է բնակարանային աջակցություն անապահով ընտանիքներին, պաշտպանել թոշակառուների իրավունքները, իրականացրել հետազոտական և իրազեկման ծրագրեր։ 2017 թվականից գործում է հոգեբանական ծառայություն, իսկ 2018-ից զարգացվում է սոցիալական ձեռնարկատիրություն, որի շրջանակում 2022 թվականին մեկնարկել է արտադրություն։ Կազմակերպությունը ծառայություններ է տրամադրում խոցելի խմբերի կանանց և երեխաներին՝ առաջարկելով սոցիալ-իրավաբանական և հոգեբանական աջակցություն, վերապատրաստումներ և ապահով տարածք՝ ինքնարտահայտման ու զարգացման համար։

Կազմակերպության մասին ավելի մանրամասն այստեղ։